Тропарь, глас 3
Страстотерпче святый и целебниче Пантелеимоне, моли Милостиваго Бога, да прегрешений оставление подаст душам нашим.
Кондак, глас 4
Подражатель сый Милостиваго и исцелений благодать от Него прием, страстотерпче и мучениче Христа Бога, молитвами твоими душевныя наша недуги исцели, отгоня присно борца соблазны от вопиющих верно: спаси ны, Господи.
Кондак 1
Избранный страстотерпче Христов и врачу благодатный, туне подаяй недугующим исцеления, песньми восхваляем тя, заступника нашего. Ты же, яко имеяй дерзновение ко Господу от всяких бед и болезней освобождай нас, любовию тебе зовущих: Радуйся, великомучениче и целителю Пантелеимоне.
Икос 1
Ангела земнаго и Небеснаго человека вемы тя, славный Пантелеимоне: ангельскою бо непорочностию и мученичеством украшен, преселился еси от земли на Небо, идеже со Ангелы и всеми святыми предстоя Престолу Господа славы, молися о нас, земных, почитающих тя звании сими:
Радуйся, светлосте благочестия.
Радуйся, преславный светильниче Церкве.
Радуйся, мучеников пречестных украшение.
Радуйся, верных в непоколебимом терпении утверждение.
Радуйся, юности преизрядная похвало.
Радуйся, поборниче Христов, в мужестве неодоленный.
Радуйся, произрастший в мире, премирен явивыйся.
Радуйся, Ангеле во плоти, превосходяй смертных.
Радуйся, небожителю всеблаженный.
Радуйся, Божественнаго разума вместилище.
Радуйся, имже вера возвысися.
Радуйся, имже прелесть низложися.
Радуйся, великомучениче и целителю Пантелеимоне.
Кондак 2
Видя тя Владыка сосуд избран, возлюби души твоея доброту: ты бо земную всякую сладость и славу презрев, венцем мученическим возжелел еси украситися, уязвлен Божественною любовию, и вдохновенно поя: Аллилуиа.
Икос 2
Разум богодухновен имея, о доблий воителю Пантелеимоне, изумил еси царя Максимиана мужеством души твоея и словесы, имиже дерзновенно проповедал еси Христа. Темже похваляюще дерзновение твое, глаголем сице:
Радуйся, угрозы Максимиана презревый.
Радуйся, советом нечестивых не покоривыйся.
Радуйся, насаждение истиннаго богопочитания.
Радуйся, искоренение демонскаго служения.
Радуйся, неистовства мучителей изобличителю.
Радуйся, идольския прелести низложителю.
Радуйся, разгнавый нечестивых соборища.
Рaдуйся, пременивый тленная на Небесная.
Радуйся, собеседниче невещественных Ангелов.
Радуйся, сликовствователю многострадальных святых.
Радуйся, имже сатана посрамися.
Радуйся, имже Христос прославися.
Радуйся, великомучениче и целителю Пантелеимоне.
Кондак 3
Силою Вышняго, дарованною тебе, и крепким терпением твоим обезсилил еси мучителеву дерзость, мужественный победоносче: огня, зверей, колеса не убоявся, и мечем усечен во главу, венец победы приял еси от Христа Бога, взывая Ему: Аллилуиа.
Икос 3
Имущи обитель твоя вседрагую главу твою, богомудрый страстотерпче, яко превеликое сокровище, радости исполняется о сем и, любовию воспевающе данную тебе от Бога благодать исцелений, благодарно зовет ти:
Радуйся, Никомидии светильниче всесветлый.
Радуйся, чтущей тя обители страже неусыпный.
Радуйся, имже охладе безбожие.
Радуйся, имже возрасте богопознание.
Радуйся, светлая страстотерпцев славо.
Радуйся, радостное православных слышание.
Радуйся, исцелений благодатный источниче.
Радуйся, дарований великих вместилище.
Радуйся, благовонное миро, облагоухающее души.
Радуйся, яко помогаеши призывающим тя.
Радуйся, слепым зрение даровавый.
Радуйся, хромым благошествие устроивый.
Радуйся, великомучениче и целителю Пантелеимоне.
Кондак 4
Бурею помышлений многобожия одержим, нечестивый царь смутися, уведев от завиствовавших тебе врачев, яко всякия неисцельныя недуги целиши ты именем Христа. Мы же, с веселием славяще дивнаго в тебе Бога, вопием Ему: Аллилуиа.
Икос 4
Слышавше никомидийстии людие о великом сострадании твоем к страждущим и о безмездном врачевании от всяких болезней, устремишася вси к тебе с верою во врачующую благодать, в тебе сущую, и, приемлюще скорая исцеления от всяких болезней, прославляху Бога и тебе величаху, всемилостиваго целителя своего, зовуще ти:
Радуйся, помазанный миром благодати.
Радуйся, храме Бога освященный.
Радуйся, великая благочестивых славо.
Радуйся, твердая озлобляемых стено.
Радуйся, мудрых превосходяй разумом.
Радуйся, верных осияваяй мысли.
Радуйся, Божественных даров приятелище и многообразных нам милостей Господних источниче.
Радуйся, скорый помощниче страждущим.
Радуйся, обуреваемых пристанище.
Радуйся, заблуждших наставниче.
Радуйся, болящих туне врачуяй.
Радуйся, обильно исцеления источаяй.
Радуйся, великомучениче и целителю Пантелеимоне.
Кондак 5
Чудо преславное сотвори тобою Господь, егда чрез служителя Своего Ермолая призва тя в чудный Свой свет: ехидною бо велиею угрызенно умершее отроча по молитве твоей ко Христу абие оживе и воста здраво. Познав убо Жизнодавца всех Истиннаго Бога, с твердою верою воззвал еси Ему: Аллилуиа.
Икос 5
Узре свет слепый, емуже с призыванием имене Христова прикоснулся еси ты, славне; Ермолаем бо пресвитером просвещен, отринув отеческое многобожие, восприял еси матернее благочестие, имже и отца просветил еси. Сего ради тебе, славному угоднику Божию и чудному врачу, взываем:
Радуйся, к Богу велие рачение имеяй.
Радуйся, присногорящий огню Божественныя любве.
Радуйся, деятельный послушателю священных поучений Ермолая.
Радуйся, последовавый советам матере твоея Еввулы.
Радуйся, яко вся раздал еси, да Христа приобрящеши.
Радуйся, любовь к миру любовию Божиею победивый.
Радуйся, яко вместо сладких мира, за Христа лютая страдания приял еси.
Радуйся, яко общник сотворился еси Страстем Христовым.
Радуйся, восторжествовавый над всеми страстьми.
Радуйся, украсивыйся благодатным безстрастием.
Радуйся, исполняяй радости притекающия к тебе.
Радуйся, туне исцеляяй всех благодатию Христовою.
Радуйся, великомучениче и целителю Пантелеимоне.
Кондак 6
Проповедник истины явися просвещенный тобою телесне и душевне слепец: подобно бо евангельскому слепцу, дерзновенно пред всеми исповеда Света Истиннаго Христа, просвещающа всякаго человека, нечестиваго же царя и боги языческия укорив, чрез мечное усечение взыде к немерцающему свету на Небеси пети Богу: Аллилуиа.
Икос 6
С светлым лицем представ судилищу цареву, дерзновенно взывал еси, преблаженне, во услышание всех: «Всецелебная сила моя и слава – Христос есть, Истинный Бог, Владыка всех, мертвыя воскрешаяй и всяк недуг отгоняяй». За таковое исповедание ублажающе тя, глаголем:
Радуйся, уста громогласная Божества Христова.
Радуйся, языче медоточный, вещаяй Его домостроительство.
Радуйся, витие превысшаго богословия.
Радуйся, сеятелю мудрый благочестия.
Радуйся, сладкозвучная веры свирель.
Радуйся, славный проповедниче Православия.
Радуйся, прежде смерти явивый дивная.
Радуйся, по смерти совершаяй чудная.
Радуйся, зрителю славы Христовой.
Радуйся, послушателю молящихся тебе.
Радуйся, подателю милости тоя требующим.
Радуйся, ходатаю благ почитающим память твою.
Радуйся, великомучениче и целителю Пантелеимоне.
Кондак 7
Миро излияся на душу твою, богомудрый целебниче, от Утешителя Духа; темже по смерти честныя мощи твоя, благоуханием своим страстей злосмрадие отгоняя, исцеление подают вопиющим верою Богу: Аллилуиа.
Икос 7
Егда узреша идольстии чтители многолетна разслаблена, молитвою твоею, святе, воздвигнута и ходяща, мнози увероваша во Христа; жрецы же бесовстии, завистию снедаеми, подвигоша царя на ярость. Тебе убо нещадно за Христа стружему и опаляему бывшу, со yмилением зовем:
Радуйся, наслаждения земная презревый.
Радуйся, благ вещественных превысший.
Радуйся, яко вся красная мира сего ни во чтоже вменил еси.
Радуйся, яко славу скоротекущую с себе отрясл еси.
Радуйся, неуловим пребывый ловлении велиара.
Радуйся, победивый мучителей коварства.
Радуйся, не пощадивый за Христа жизни своея.
Радуйся, враг явивыйся враждебныя плоти.
Радуйся, многобожия широту утеснивый.
Радуйся, Божественною силою идолы поправый.
Радуйся, острейшая стрело, язвящая враги.
Радуйся, предстателю, заступаяй верующия.
Радуйся, великомучениче и целителю Пантелеимоне.
Кондак 8
Страннолепно являшеся тебе Господь, ободряя и соблюдая в мучениях за имя Его: во образе бо пресвитера Ермолая, клокочущее олово, в неже ввержен был еси, охлади, и в мори отрешив велий камень от выи твоея, изведе неврежденна на землю. Ты же, паки представ пред царя, торжественне пел еси Христу Богу: Аллилуиа.
Икос 8
Весь умне на Небеси водворяяся, и низу на земли сущих не оставляеши, сопребывая с нами всечестною главою твоею, великий страстотерпче Христов, приемля от Господа и подая просвещение и освящение вопиющим тебе таковая:
Радуйся, премудрости Божественныя исполненный.
Радуйся, промышления Божия о нас таинниче.
Радуйся, богомудренных умов услаждение.
Радуйся, боголюбивых душ увеселение.
Радуйся, пресветлый Христов бисере.
Радуйся, освященный душею и телом.
Радуйся, во дворех перворожденных на Небеси вселивыйся.
Радуйся, в присноблаженных обитаяй чертозех.
Радуйся, света Троическаго зрителю.
Радуйся, в молитвах к Богу теплый о нас предстателю.
Радуйся, просвещение душам подаваяй.
Радуйся, скорбящим утешение низпосылаяй.
Радуйся, великомученице и целителю Пантелеимоне.
Кондак 9
Всякое естество удивися, Пантелеимоне, сиянию в тебе благодати и богатству добродетелей: ангелоподобней чистоте твоей, великому мужеству в лютых страданиях, крепкой любве ко Христу и многому состраданию к людем, в нихже твориши преславная, во еже пети: Аллилуиа.
Икос 9
Витии многовещаннии не возмогут по достоянию восхвалити борения твоя, славный добропобедниче, како непобедимою силою Божиею, юный леты, победи древняго исконнаго врага и посрами идольскую прелесть. Мы же, удивления исполненнии, зовем ти:
Радуйся, радостное зрелище Ангелов.
Радуйся, благоговейное удивление человеков.
Радуйся, кровь за Христа излиявый и в смерти млеко источивый.
Радуйся, тело за Него мученической смерти предавый.
Радуйся, исповедничества правило.
Радуйся, доблий воине Царя царей.
Радуйся, тьмы державца победивый.
Радуйся, победою твоею Небесных и земных обвеселивый.
Радуйся, горняго мира обитателю блаженный.
Радуйся, дольняго мира мудрый странниче.
Радуйся, древо, украшенное плодами благодатных дарований.
Радуйся, носяй добропобедныя ветви.
Радуйся, великомучениче и целителю Пантелеимоне.
Кондак 10
Сострадания исполнен, яко истинный подражатель Подателя милости Господа, честный страдальче, Пантелеимоном (сиесть, всемилостивым) от Него преименован еси, на вся притекающия к тебе милость изливая, юже и нам неоскудно источай, о тебе вопиющим Богу: Аллилуиа.
Икос 10
Стену тя тверду обрет мучитель, никиими же муками победиму, покусися сокрушити крепость твою зубы зверей и остриями мучилищнаго колеса, обаче и в сем ничтоже успе: сила бо Христова лютость зверей укроти, а страшнoe коло, на немже обращаемо бе тело твое, абие сокрушися. Тебе убо непобедимому страстотерпцу, зовем:
Радуйся, честное Христово избрание.
Радуйся, непорочное Богови благоухание.
Радуйся, твердый адаманте Церкве.
Радуйся, непоколебимый столпе, досязаяй до Небесе.
Радуйся, звери видимыя укрощаяй.
Радуйся, драконов невидимых сокрушаяй.
Радуйся, обагренный твоею за Христа кровию, срастворенною млеком.
Радуйся, неувядаемыя приемый венцы.
Радуйся, радость причинивый Ангелом и человеком.
Радуйся, прославленный Богом на Небеси и на земли.
Радуйся, небожителю, ликовствуяй с мученики.
Радуйся, насыщаяйся лицезрением Христа пресладким.
Радуйся, великомучениче и целителю Пантелеимоне.
Кондак 11
Песнь исходную приносим твоему за Xриста заколению священному, в немже вместе с кровию млеко истече от тебе, великомучениче, и масличина, под неюже усечен был еси, исполнися вся целительных плодов. Темже Христу, дивно прославляющему славящия Его, тепле вопием: Аллилуиа.
Икос 11
Светозарная луча был еси, богомудре, во тьме многобожия седящим, путеводящая к Солнцу Правды Христу Богу, Емуже молися, во свете заповедей Его присно пребывати и нам, сицевая радостная тебе приносящим:
Радуйся, пресветлая звездо, на мысленней тверди блистающая.
Радуйся, луча, христоименитым людем светящая.
Радуйся, таинственно облиставаемый от Солнца Христа.
Радуйся, умне землю обтекаяй.
Радуйся, селение красное Пресвятаго Духа.
Радуйся, сосуде пречестный, изливаяй исцеления.
Радуйся, чистоты сокровище.
Радуйся, милости тезоимените.
Радуйся, Царствия Небеснаго наследниче.
Радуйся, вечныя славы сопричастниче.
Радуйся, предстателю бедствующим в мори житейстем.
Радуйся, безсребрениче, помогаяй призывающим тя с верою.
Радуйся, великомучениче и целителю Пантелеимоне.
Кондак 12
Благодати обилие приял еси, треблаженне, по обилию любве твоея ко Христу Богу, Иже и яви тя многоцелебным источником, безмездно врачующим душевныя и телесныя болезни притекающих к тебе с верою и Богу вопиющих: Аллилуиа.
Икос 12
Поюще многострадальныя подвиги твоя за Христа, славный страстотерпче, хвалим долготерпение твое, ублажаем мученическую кончину, почитаем и священную память твою, заступниче наш и целителю, и в похвалу сицевая тебе зовем:
Радуйся, благочестия трубо благозвучная.
Радуйся, мечу, посекаяй нечестие.
Радуйся, строганный на древе за Распростершаго руце Свои на древе Крестнем.
Радуйся, яко опаляем за Него, прелести пещь погасил еси.
Радуйся, язвами твоими враги уязвивый.
Радуйся, кровию твоею токи идольския крове изсушивый.
Радуйся, в кипящее олово вверженный за Xриста.
Радуйся, погруженный за имя Его в водах морских.
Радуйся, промышлением Божиим неврежден в сих пребывый.
Радуйся, яко чрез огнь и воду мучений вшел еси в покой Небесный.
Радуйся, изливаяй неизсякаемыя струи милости верным.
Радуйся, благосострадательный врачу, исцеления благодатная подаваяй.
Радуйся, великомучениче и целителю Пантелеимоне.
Кондак 13
О многострадальный и предивный страстотерпче Христов и целителю наш Пантелеимоне! Милостиво прием сие малое от нас приношение, от многообразных недугов исцели ны, и предстательством твоим сохрани от враг видимых и невидимых, и вечнаго мучения избавитися нам Господа умоли, да во Царствии Его выну воспеваем: Аллилуиа.
(Цей Кондак читається тричі, потім Ікос 1 і Кондак 1)
Молитва
О великий Христов угодниче и преславный целебниче, великомучениче Пантелеимоне! Душею на Небеси Престолу Божию предстояй и Триипостасныя Его славы наслаждаяйся, телом же и ликом святым на земли в Божественных храмех почиваяй и данною ти свыше благодатию различная чудеса источаяй, призри милостивным твоим оком на предстоящия люди, честней твоей иконе умильно молящияся и просящия от тебе целебныя помощи и заступления. Простри ко Господу Богу нашему теплыя твоя молитвы и испроси душам нашим оставление согрешений. Се бо мы, за беззакония наша не смеюще возвести очеса наша к высоте Небесней, ниже вознести глас молебный к Его в Божестве неприступней славе, сердцем сокрушенным и духом смиренным тебе, ходатая милостива ко Владыце и молитвенника за ны, грешныя, призываем, яко ты приял еси благодать от Него недуги отгоняти и страсти исцеляти. Тебе убо просим: не презри нас, недостойных, молящихся тебе и твоея помощи требующих. Буди нам в печалех утешитель, в недузех лютых страждущим врач, напаствуемым скорый покровитель, очесем недугующим прозрения датель, ссущим и младенцем скорый предстатель и исцелитель. Исходатайствуй всем вся, яже ко спасению полезная, яко да твоими ко Господу Богу молитвами получивше благодать и милость, прославим всех благих Источника и Дароподателя Бога, Единаго в Троице Святей славимаго Отца и Сына и Святаго Духа, ныне и присно, и во веки веков. Аминь.
ЖИТІЄ
Великомученик і цілитель Пантелеймон народився в місті Нікомідії в сім’ї знатного язичника Євсторгія, і його назвали Пантолеоном. Його мати Єввула була християнкою. Вона хотіла виховати сина в християнській вірі, але померла, коли майбутній великомученик був ще юним отроком. Батько віддав Пантолеона до початкової язичницької школи, закінчивши яку, юнак почав навчатися лікарському мистецтву в знаменитого в Нікомідії лікаря Євфросина і став відомим імператору Максиміану (284-305), який захотів бачити його при своєму дворі.
Водночас у Нікомідії таємно проживали священномученики пресвітери Єрмолай, Єрміпп і Єрмократ, які вціліли після спалення 20000 християн у Нікомідійській церкві 303 року. Святий Єрмолай неодноразово бачив Пантолеона, який ходив повз їхній притулок. Одного разу пресвітер покликав юнака до своєї оселі і розповів про християнську віру. Після цього Пантолеон щодня відвідував священномученика Єрмолая.
Якось раз юнак побачив на вулиці мертву дитину, вкушену єхидною, яка ще була поруч. Пантолеон почав молитися Господу Ісусу Христу про воскресіння померлого і умертвіння отруйного гада. Він твердо вирішив, що в разі виконання його молитви стане послідовником Христа і прийме Хрещення. Дитина ожила, а єхидна розлетілася на шматки на очах у Пантолеона.
Після цього чуда Пантолеона хрестив святий Єрмолай з ім’ям Пантелеімон (всемилостивий). Розмовляючи з Євсторгієм, святий Пантелеймон підготував його до прийняття християнства, і коли батько побачив, як син зцілив сліпого, призиваючи ім’я Ісуса Христа, то він увірував у Христа і охрестився разом зі сліпим сліпцем, який прозрів.
Після смерті батька святий Пантелеймон присвятив своє життя стражденним, хворим, убогим і жебракам. Він безоплатно лікував усіх, хто звертався до нього, зцілюючи їх ім’ям Ісуса Христа. Він відвідував у в’язницях в’язнів, особливо християн, якими були переповнені всі в’язниці, і лікував їх від ран. Незабаром чутка про милостивого лікаря поширилася по всьому місту. Залишивши інших лікарів, жителі стали звертатися тільки до святого Пантелеймона.
Із заздрості лікарі донесли імператору, що святий Пантелеймон лікує християнських в’язнів. Максиміан умовляв святого спростувати донос і принести жертву ідолам, але святий Пантелеймон сповідував себе християнином і на очах імператора зцілив розслабленого ім’ям Ісуса Христа. Запеклий Максиміан стратив зціленого, який прославив Христа, а святого Пантелеімона піддав найжорстокішим мукам.
Господь явився святому і зміцнив перед стражданнями. Великомученика Пантелеймона повісили на дереві й рвали залізними пазурами, обпалювали свічками, потім розтягували на колесі, кидали в кипляче олово, ввергали в море з каменем на шиї. У всіх катуваннях великомученик залишався неушкодженим і з відвагою викривав імператора.
Водночас перед судом язичників постали пресвітери Єрмолай, Єрмипп і Єрмократ. Усі троє твердо сповідували свою віру в Спасителя і були обезголовлені.
За велінням імператора великомученика Пантелеймона кинули на розтерзання диким звірам у цирку. Але звірі лизали його ноги і відштовхували один одного, намагаючись торкнутися руки святого. Глядачі піднялися з місць і стали кричати: “Великий Бог християнський!” Розлючений Максиміан наказав воїнам рубати мечами всіх, хто славив Ім’я Христове, а великомученику Пантелеймону відрубати голову.
Святого привели на місце страти і прив’язали до оливкового дерева. Коли великомученик молився, один із воїнів ударив його мечем, але меч став м’яким, як віск, і не завдав жодної рани. Святий закінчив молитву, і почувся Голос, який кликав страстотерпця на ім’я і закликав у Небесне Царство. Почувши Голос із Неба, воїни впали перед святим мучеником на коліна і просили вибачення. Кати відмовилися продовжувати страту, але великомученик Пантелеймон наказав виконати наказ імператора, сказавши, що інакше вони не матимуть з ним частини в майбутньому житті. Воїни зі сльозами попрощалися зі святим, цілуючи його.
Коли мученику відсікли голову, з рани потекло молоко. Маслина, до якої був прив’язаний святий, у момент його смерті покрилася плодами. Багато присутніх під час страти увірували в Христа. Тіло святого, кинуте в багаття, залишилося у вогні неушкодженим і було поховано християнами († 305). Слуги великомученика Пантелеймона Лаврентій, Вассой і Провіан бачили його страту і чули Голос із Неба. Вони написали розповідь про життя, страждання і кончину святого великомученика.
Святі мощі великомученика Пантелеймона частинками розійшлися по всьому християнському світу. Чесна глава його перебуває нині в Руському Афонському монастирі в ім’я великомученика Пантелеімона.
Великомученик Пантелеймон шанується в Православній Церкві як грізний святий, покровитель воїнів. Цей бік шанування розкриває його перше ім’я Пантолеон, що означає “лев у всьому”. Друге ім’я, дане під час Хрещення, – Пантелеймон, тобто “всемилостивий”, розкривається з шанування великомученика як цілителя. У всіх християн він вважається покровителем лікарів. Зв’язок цих двох покровительств святого добре видно з того, що воїни, які частіше за інших отримують рани, більше за всіх потребують лікаря-цілителя. Саме тому християни, які ведуть боротьбу духовну, також вдаються до цього святого з проханням зцілити виразки душі.
Ім’я святого великомученика і цілителя Пантелеймона призивається під час звершення таїнства Єлеопомазання, освячення води і в молитві за немічного.
